Aydan Ay

0

BEĞENDİM

ABONE OL

News

0

Azərbaycanlı

***

Bir qəfil ayrılığa

Yağar, ağlayar şəkil…

Daxmasında mürgülü

Ölüm saxlayar şəkil…

Şəkillər yuxu yatmır,

Oyaq olur həmişə…

Ömrümdən ölüm damır,

şəklimə… Ölməmişəm…

Göz yaşım şəkillərin

Alnının qırışıdı…

Adamlar şəkil-şəkil

Qocalan baş daşıdı…

Ağla… Ağla ölüm-ölüm…

Titrə yel-yel ahıl canım…

Sonra… Ah-ah soraqlayım,

Eheeey… Şəkil adam, hanı?!

Qəhqəhəsi nə acıdı,

dil-dil ötən sükutunun?..

nədən belə eşq-eşq ötdün

ruhundakı uçurumu?..

eyyy əlimdəki əsa…

eyyy yolumdakı çıraq…

şəkil-şəkil uçan ağac…

şəkil-şəkil ölən varaq…

unudun… məni unudun…

bir axşam şəkillərim

torpağın dan üzünə

əbədilik hopacaq…

qürub qoxulu şəkillər

bizimçün darıxacaq…

***

Gördüm bir gecə…bir gecə…

Qısılıb qoca əsasına

Deyinir: – kaş bu əsadan

Qaranlığım düşə…sına.

Gördüm bir gecə…bir gecə…

Qapqara…soyuq…incə…

Keçdiyim yola oxşayır…

Kaş bir də…bir də keçəm…

Gördüm bir gecə…bir gecə…

O məni gördümü?…görmədi…

Nə gözündən yaş axmadı…

Nə də ki heç sevinmədi…

Gördüm bir gecə…bir gecə…

Yatmışam, gözümü oyur…

Nə məni yerdə itirir,

Nə göy üzün yeyib doyur…

Gördüm bir gecə…bir gecə…

Əvvələ-axıra oxşamır…

Halına ağlama…ağlama…

Dönüb baxana oxşamır…

Gördüm bir gecə…bir gecə…

Dibi görünməyən quyuydu…

O məni görmürdü…görmürdü…

Görmürdü eyyy…koruydu…

Gördüm bir gecə…bir gecə

Küsür – məndən göründükcə

Deyinir:- kaş Tanrı tətiyi

çəkə…göylərdən köçəm…

Gördüm bir gecə…bir gecə –

elə bir gecə ki…